Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ពុធ 10 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ ពុធ 10 តុលា 2012
លោកនាយករដ្ឋមន្ត្រី ហ៊ុន សែន តបតទៅនឹងការរិះគន់លើករណីលោក ម៉ម សូណង់ដូ
លោកហ៊ុន សែន នាយករដ្ឋមន្រ្តីកម្ពុជា
©វណ្ណារ៉ា
នៅថ្ងៃពុធ ទី១០ តុលានេះ លោកនាយករដ្ឋមន្ត្រី ហ៊ុន សែន បានបញ្ចេញប្រតិកម្មតបតនឹងការរិះគន់ ជាលើកដំបូង តែមិនចេញឈ្មោះ សំដៅលើករណីរបស់លោក ម៉ម សូណង់ដូ នាយកវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ ដែលត្រូវបានតុលាការផ្តន្ទាទោស ដាក់ពន្ធនាគាររយៈពេល ២០ ឆ្នាំ ក្នុងបទចោទប្រកាន់ ពីគម្រោងបង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លី នៅខេត្តក្រចេះ។ តាមលោកនាយករដ្ឋមន្ត្រី មិនថា គណបក្សនយោបាយ អង្គការសង្គមស៊ីវិល ឬក៏មន្ត្រីប៉ូលិសទាហានប៉េអឹម ផ្កាយប៉ុន្មាននោះទេ ត្រូវតែចាប់មកកាត់ទោស ឲ្យធ្វើអំពើខុសច្បាប់។
ក្នុងពិធីចែកប័ណ្ណកម្មសិទ្ធិដីធ្លី ដល់ប្រជាពលរដ្ឋ នៅខេត្តកំពត នាព្រឹកថ្ងៃពុធ ទី១០ ខែតុលា ឆ្នាំ២០១២ លោកនាយករដ្ឋមន្ត្រី ហ៊ុន សែន បានតបត ដោយមិនចេញឈ្មោះ ទៅនឹងការរិះគន់នានា ជុំវិញការកាត់ទោសសកម្មជនសិទ្ធិមនុស្ស និងអ្នកនយោបាយ ពិសេសករណីរបស់លោកម៉មសូណង់ដូ ដែលត្រូវតុលាការផ្តន្ទាទោសដាក់ពន្ធនាគារ ២០ ឆ្នាំ។
លោកនាយករដ្ឋមន្ត្រី៖ " ដើម្បីរួចពីទោសទណ្ឌ ត្រូវបង្កើតអង្គការក្រៅរដ្ឋាភិបាល ឬក៏ធ្វើអ្នកកាសែត ឬធ្វើបក្សនយោបាយ។ អានឹង ទោះបីទៅលួចគេ ទៅវ៉ៃគេបែកក្បាល ក៏អត់មានរឿងដែរ ព្រោះបើយើងចាប់គេដាក់គុក អានឹង គេថា បិទសិទ្ធិគេ។ ដូចអាការកាត់ទោសកន្លងទៅ គេមិនមែនបិទវិទ្យុឯណា? គេកាត់អារឿងបំផុសបំផុល ប្រឆាំងអាជ្ញាធរសាធារណៈនោះតើ!។ អីចឹងបើចង់រួចទោសទណ្ឌ ឧបមាថា អញចង់មិនស្រួលហើយ ទៅបង្កើតអង្គការក្រៅរដ្ឋាភិបាលមួយទៅ ដល់យើងចាប់មកផ្តន្ទាទោស អានឹង ឆាប់រួចខ្លួន "។
ជាមួយនឹងប្រសាសន៍ដូច្នេះ លោកនាយករដ្ឋមន្ត្រី ហ៊ុន សែន ក៏បានបញ្ចេញប្រតិកម្ម ដោយសំដៅដល់ករណីរបស់លោក ម៉ម សូណង់ដូ ដោយលោកសង្កត់ធ្ងន់ថា ការផ្តន្ទាទោសជនល្មើសច្បាប់ គឺមិនគិតពីសកម្មជនគណបក្សនយោបាយ អង្គការសង្គមស៊ីវិល ឬក៏មន្ត្រីប៉ូលិសទាហាន ប៉េអឹម ពាក់ផ្កាយប៉ុន្មាននោះទេ។ លោកនាយករដ្ឋមន្ត្រី ហ៊ុន សែន បានគូសបញ្ជាក់ថា " ព្រោះស្រែកលិច ស្រែកកើត។ នែ៎វៃ! និយាយឲ្យច្បាស់ អ្នកឯងបក្សនយោបាយ ឬក៏ស្អី ខ្ញុំអត់ដឹងទេ តែធើខុសច្បាប់ គុកដូចតែគ្នានឹង។ មិនថា បក្សនយោបាយ មិនថា អង្គការក្រៅរដ្ឋាភិបាល មិនថា នរណាទេ សូម្បីតែមន្ត្រីទាហានផ្កាយពីរ ផ្កាយបី ទាហានប៉ូលិសប៉េអឹម ក៏ជាប់ទោស ដូចតែគ្នានឹង "។
តុលាការក្រុងភ្នំពេញ កាលពីថ្ងៃទី១ ខែតុលា ឆ្នាំ២០១២ បានសម្រេចផ្តន្ទាទោសលោក ម៉ម សូណង់ដូ ដាក់ពន្ធនាគារ ២០ ឆ្នាំ ក្នុងរឿងក្តីបង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដី នៅខេត្តក្រចេះ។ ប្រតិកម្មចម្រុះ ធ្លាក់មកពីគ្រប់ទិសទី ថ្កោលទោស និងទាមទារឲ្យតុលាការដោះលែងលោក ម៉ម សូណង់ដូ។ ប្រតិកម្មទាំងនោះ ចេញមកពីអ្នកនាំពាក្យក្រសួងការបរទេសអាមេរិក បារាំង សហភាពអឺរ៉ុប អង្គការជាតិ-អន្តរជាតិ និងសមាគមអ្នកកាសែតជាតិ និងអន្តរជាតិ។
សេចក្តីថ្លែងការណ៍ផ្ទាល់មាត់ និងជាលាយលក្ខណ៍អក្សរទាំងនោះ បានចាត់ទុកថា ករណីលោក ម៉ម សូណង់ដូ ជារឿងនយោបាយ និងធ្វើឲ្យប៉ះពាល់ដល់សេរីភាពបញ្ចេញមតិនៅកម្ពុជា។ ក៏ប៉ុន្តែភ្លាមៗនោះ មន្រី្តរដ្ឋាភិបាល បានតម្លើងសំឡេង ចេញប្រតិកម្មច្រានចោលនូវការរិះគន់ ហើយបញ្ជាក់ថា ករណីលោក ម៉ម សូណង់ដូ មិនមែនជារឿងនយោបាយទេ តែរឿងក្តីនោះ ត្រូវបានតុលាការរកឃើញថា លោក ម៉ម សូណង់ដូ ខ្មែរសញ្ជាតិបារាំង ជាប់ពាក់ព័ន្ធនឹងទោសឧក្រិដ្ឋ ក្នុងរឿងបង្កើតតំបន់អបគមន៍ប្រឆាំងរដ្ឋាភិបាល៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (4)
What's the real democratic administration ?
Nowaday, he can sentence everybody although they have high position in the government, but I wonder that if he does wrong, who can sentence him? I think no one can, this show that he is the strongest one in Cambodia and this is very unreasonable for democracy country like Cambodia.In a social democratic no one stronger than the voices 50%+1 of citizens. The democratic administration, they run it like a circle, it's no the base, no the highest point, no the asymetry point means that everybody controle each other by the deputies of people who were voted directly by the citizens. How can Cambodia becomes real democratic if most of the citizens don't try to think about politic and they think that it's not their obligation, it's the politicians' obligation?
nonsense
ការងុបងុលនឹងអំណាចពេកធ្វើឲ្យបុគ្គលបាត់បង់នូវឧត្តមគតិ៕ តើខុសដែរឫ ធ្វើអ្វីៗដើម្បីប្រជាជនបែជាខុស មនុស្សភាគច្រើនយល់ឃើញថាខុស ហេតុអ្វីក៏គាត់ម្នាក់ឯងនិងបក្សពួកមួយក្តាប់តូចរបស់គាត់យល់ថាត្រូវ ......
បង្ហាញពីចិត្តមនុស្ស
វាព្រាបដូចជា អ្នកណាខ្លាំងជាង អ្នកនោះប្រាកដជាឈ្នះ ។ អ្នកឈ្នះជាទេវតា ទោះទេវតាអ្វី ក៏អ្នកដែលបានផលប្រយោជន៍ពីទង្វើនោះ តែងថាសម ថាត្រូវដែរ ។ ឯអ្នកចាញ់ជាចោរ និងចេះតែខុសរហូត.... និងមិនសមរហូត...
មុខមានអំណាច
មេដឹកនាំរបស់ខ្ញុំជាមនុស្សប្រកបដោយគតិបណ្ឌិត ដែលមុខមានប្រជាប្រិយភាព និងអំណាច។ នរណាមើលទៅក៏គួរអោយសរសើរណាស់ចំពោះមុខរបស់គាត់ ។ ខ្ញុំពិតជាមានសំណាងណាស់ ដែលមានមេដឹកនាំបែបនេះ ។ បើ RFI មិនយល់ទាស់ទេ ខ្ញុំសូមរូបថតមួយសន្លឹកនេះមក ។ តើបានទេបាទ? សូមអរគុណទុកជាមុន និងសូមជូនពរបុណ្យភ្ជំបិណ្ឌ ។
ប្រតិកម្មជុំវិញអត្ថបទនេះ