Delicious
Digg
Facebook
Twitter
Yahoo!
Technorati
រុស្ស៊ី-អាមេរិក -
អត្ថបទចុះផ្សាយនៅថ្ងៃ សុក្រ 31 សីហា 2012 -
ព័ត៌មានទើបកែប្រើលើកចុងក្រោយ ថ្ងៃ សុក្រ 31 សីហា 2012
អាមេរិកបញ្ជាក់ថាONGនៅរុស្ស៊ីមិនមែនជា”ភ្នាក់ងារអាមេរិក”ទេ
លោកស្រីប្រមុខការទូតអាមេរិក Hillary Clinton បានឆ្លើយតបថា ONGនៅរុស្ស៊ី
RFI/Keo Chhaya
នេះជាចម្លើយពីខាងលោកស្រីរដ្ឋមន្ត្រីការបរទេសអាមេរិក Hillary Clinton ថ្ងៃ៣០សីហាម្សិលមិញ តបនឹងលិខិតរបស់“អង្គការការពារសិទ្ធិមនុស្ស” នៅរុស្ស៊ីផ្ញើជូនលោកប្រធានាធិបតី Barack Obama ដែលសុំឲ្យគាត់បំភ្លឺ ៖ តើអង្គការក្រៅរដ្ឋាភិបាលនៅរុស្ស៊ី ដែលឧបត្ថម្ភដោយប្រាក់អាមេរិកាំង ជា “ភ្នាក់ងារ” របស់ស.រ.អា.ឫ?
គឺកាលពីចុងខែកក្កដា ដែល“អង្គការការពារសិទ្ធិមនុស្ស”នៅរុស្ស៊ី បានផ្ញើលិខិតនោះជូនលោកប្រធានាធិបតី Barack Obama ក្រោយពី ប្រធានាធិបតីរុស្ស៊ីបានចុះហត្ថលេខាដាក់ឲ្យចូលជាធរមានច្បាប់ដែលចែងថា អង្គការក្រៅរដ្ឋាភិបាលណាដែលទទួលហិរញ្ញប្បទានពីបរទេសហើយដែលធ្វើសកម្មភាពនយោបាយនៅរុស្ស៊ីគឺត្រូវចាត់ទុកជា “ភ្នាក់ងារបរទេស”។
ក្នុងលិខិតខ្លួន ពួកអ្នកការពារសិទ្ធិមនុស្សនៅរុស្ស៊ីគូសបញ្ជាក់ថា ច្បាប់ថ្មីនៅរុស្ស៊ី ស្តីអំពី ONG មានលក្ខណៈរើសអើង ហើយស្ថិតនៅ ក្រៅនីតិវិធីទេតើ។
ជាចម្លើយតបវិញ លោកប្រធានាធិបតី Barack Obama បានផ្ទុកផ្តាក់លោកស្រី Hillary Clinton ប្រមុខការទូតអាមេរិកឲ្យផ្ញើមកកាន់ អង្គការក្រៅរដ្ឋាភិបាលរុស្ស៊ី នូវសំបុត្រដែលជាបឋមគឺសំដែងអំណរគុណចំពោះលិខិតប្រកបដោយខ្លឹមសារនោះ។ លោកស្រីសរសេរជាអាទិ៍៖
-រដ្ឋបាលអាមេរិកាំងនិមួយៗ តែងគាំទ្រដល់ការងារដ៏សំខាន់បំពេញដោយអង្គការខាងការពារសិទ្ធិមនុស្សនៅរុស្ស៊ី។ ស.រ.អា.តែងភក្តីយ៉ាងមាំ ចំពោះនយោបាយដែលគាំទ្រដល់រាល់អង្គការឯករាជ្យនៃសង្គមស៊ីវិលនៅក្នុងលោកទាំងមូល។
-តបនឹងសំនួរជាក់លាក់ ដែលថា ៖” តើអង្គការក្រៅរដ្ឋាភិបាលដែលទទួលប្រាក់ឧបត្ថម្ភ ពីអាមេរិកជា”ភ្នាក់ងារ” របស់រដ្ឋាភិបាលអាមេរិកាំង ឫទេខ្ញុំសូមថ្លែងដាច់អហង្ការទៅចុះ ថា ស.រ.អា.មិនគ្រាន់តែមិនវន្តគោលដៅខ្លួនមិនគ្រប់គ្រងលើសកម្មភាពអង្គការអស់លោក ប៉ុណ្ណោះទេ តែក៏គ្មានចេតនាប្រព្រឹត្តទង្វើបែបនេះសោះឡើយ។
-អ្វីជាអាទិភាពរបស់អង្គការក្រៅរដ្ឋាភិបាលនៅរុស្ស៊ី បូកទាំងអង្គការការពារសិទ្ធិមនុស្ស ដែលរមែងទទួលការគាំទ្រពីអាមេរិក គឺកំណត់ដោយថ្នាក់ដឹកនាំដោយសហការីនិងសកម្មជនអង្គការទាំងនោះតែម្តង មិនមែនដោយភាគីដែលផ្តល់ជំនួយឡើយ។
គួររំលឹកថា ច្បាប់រុស្ស៊ីស្តីអំពីអង្គការក្រៅរដ្ឋាភិបាលចុះហត្ថលេខាថ្ងៃ២១កក្កដាកន្លងទៅដោយលោកប្រធានាធិបតីពូទីន ប្រមើលឲ្យបង់ប្រាក់ពិន័យដល់៣០ម៉ឺនរូប្ល គឺជិត១ម៉ឺនដុល្លារឬផ្តន្ទាទោសតាមបទព្រហ្មទណ្ឌឲ្យជាប់ពន្ធនាគាររហូតដល់ ៤ឆ្នាំចំពោះការមិនព្រមចុះបញ្ជី ជា “ភ្នាក់ងារបរទេស” សម្រាប់អង្គការក្រៅរដ្ឋាភិបាលណាដែលទទួលលុយពីបរទេសហើយប្រើលុយនេះដើម្បីធ្វើសកម្មភាពនយោបាយ នៅរុស្ស៊ី។
តាមតួលេខក្រសួងយុត្តិធម៌សព្វថ្ងៃនៅរុស្ស៊ី មានចុះបញ្ជីផ្លូវការគឺអង្គការក្រៅរដ្ឋាភិបាល ខ្ទង់
២សែន២ម៉ឺនពីក្នុងនោះ ជាង១សែនគឺអង្គការសង្គម ២ម៉ឺន៥ពាន់ជាអង្គការសាសនានិង ១៨៨ ជាអង្គការក្រៅរដ្ឋាភិបាលរបស់បរទេស៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ