បច្ចុប្បន្ន​នេះ ជំងឺ​ថ្លើម​ហាក់​ដូច​ជា​កើត​ច្រើន​ចំពោះ​បណ្តា​ជន​ខ្មែរ។ នេះ​មិន​មែន​មាន​ន័យ​ថា ជំងឺ​រលាក​ថ្លើម​ជា​ជំងឺ​ថ្មី​ទេ ! ប៉ុន្តែ ដោយ​សារ​មធ្យោបាយ​ផ្សព្វផ្សាយ​កាន់​តែ​សម្បូរ​បែប ដោយ​សារ​ការ​យល់​ដឹង បណ្តាជន​ខ្មែរ​បាន​មក​ត្រួត​ពិនិត្យ​សុខភាព​កាន់​តែ​ច្រើន កាន់​ទូលំទូលាយ ទើប​វែក​រកឃើញ​មាន​អាការៈ​រោគ​ រលាក​ថ្លើម កាន់​តែ​ច្រើន​ដូច្នេះ។ ពី​ដើម​មក​ករណី​រលាក​ថ្លើម​នៅកម្ពុជា ច្រើន​តែ​រក​ឃើញ​នៅ​​ក្នុង​ដំណាក់​កាល​ចុង​ក្រោយ ដែល​វេជ្ជសាស្ត្រ​លែង​ជួយ​កើតប៉ុណ្ណោះ​។ ​ជំងឺ​រលាក​ថ្លើម​ មាន​ច្រើន​ប្រភេទ​ ៖ ប្រភេទ​ A B C D និង ​E ។ល។និង។ល។ នៅ​ថ្ងៃ​នេះ​ លោក​វេជ្ជបណ្ឌិត អ៊ុង ចក្រាវុធ ប្រធាន​ផ្នែក​ ផ្នែក​ជំងឺ​ក្រពះ​ពោះវៀន​ថ្លើម​ នៅ​មន្ទីរ​ពេទ្យកាល់ម៉ែត្រ​ក្រុង​ភ្នំពេញ​ សូម​ពន្យល់បំភ្លឺ​ អំពី​ជំងឺ​រលាក​ថ្លើម​ប្រភេទ​បេ។