ជនជាតិបារាំងផលិតឧបករណ៍ភ្លេងបុរាណខ្មែរដែលបាត់បង់ តាំងពីសម័យអង្គរ
ចុះផ្សាយនៅថ្ងៃ៖
ស្តាប់ - ១០:២១
ក្នុងរយៈពេល ២០ ឆ្នាំចុងក្រោយនេះ លោក ប៉ាទ្រីក គែសាឡេ ( Patrick Kersalé ) បានធ្វើដំណើរពាសពេញពិភពលោក ជាពិសេស នៅអាហ្វ្រិកខាងលិច នៅអាស៊ីអាគ្នេយ៍ ឥណ្ឌា នេប៉ាល់ និងនៅអឺរ៉ុប ដើម្បីស្វែងរកបទភ្លេងបុរាណ ដែលកំពុងប្រឈមនឹងការបាត់បង់ ក្នុងគោលបំណងអភិរក្សស្មារតីចងចាំ ក្នុងវិស័យនេះ និងស្នើឡើងនូវផែនការអភិរក្ស។ នៅកម្ពុជា លោក ប៉ាទ្រីក បានធ្វើដំណើរមកជាច្រើនដង ហើយប្រមែប្រមូលឯកសារសោតទស្សន៍ នៅតាមប្រាសាទនានា ក្នុងឧទ្យានអង្គរ និងសាកសួរជនជាតិដើម នៅខេត្តរតនគិរី និងខេត្តមណ្ឌលគិរី។ ចុងក្រោយនេះ លោកបានផលិតឡើងវិញនូវឧបករណ៍ភ្លេងបុរាណខ្មែរ ប្រហែល ៥០ ប្រភេទ រួមមាន៖ ត្រែទ័ព ស្គរធំតូចគ្រប់ប្រភេទ ប៉ីអរ សាដៀវ ពិណ និងតាខេ ជាដើម។ ឧបរកណ៍ភ្លេងបុរាណខ្មែរទាំងនោះត្រូវបានតាំងបង្ហាញមហាជន ក្នុងពិព័រណ៍ នៅវិទ្យាស្ថានបារាំង ក្នុងទីក្រុងភ្នំពេញ មុននឹងនាំយកទៅប្រគុំរួមគ្នា នៅខេត្តសៀមរាប-អង្គរ នាដើមខែធ្នូ។
