អឺរ៉ុបសម្រាលទណ្ឌកម្មដែលខ្លួនបានដាក់ទៅលើភូមា
ចាប់ពីខែមេសាខាងមុខនេះទៅ ថ្នាក់ដឹកនាំកំពូលៗរបស់ភូមា និងក្រុមគ្រួសារនឹងមានសិទ្ធិធ្វើដំណើរចូលមកក្នុងសហភាពអឺរ៉ុប បាន។ នេះគឺជាវិធានការទីមួយនៃការសម្រាលទណ្ឌកម្មទៅលើភូមា ក្រោយពីរបបថ្មីនៅណៃពីដោ ដឹកនាំដោយលោកប្រធានាធិបតីថេន សេនបានផ្តើមធ្វើកំណែទម្រង់នយោបាយស៊ីជម្រៅ តាំងពីខែមីនា ឆ្នាំទៅមិញមកម្ល៉េះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៣
សេចក្តីសម្រេចចិត្តរបស់សហភាពអឺរ៉ុបបានធ្លាក់មកដល់ កាលពីម្សិលមិញ ថ្ងៃចន្ទទី២៣មករា។ ក្រោយការបោះឆ្នោតសភាមួយភាគ នៅភូមាក្នុងថ្ងៃទី១មេសា ហើយ ពួកអ្នកដឹកនាំកំពូលៗនៃប្រទេសនេះ និងក្រុមគ្រួសារអាចនឹងទទួលបានទិដ្ឋាការ ដើម្បីដើរហើរ ដោយសេរី នៅក្នុងទ្វីបអឺរ៉ុប។
ជាការពិតណាស់ដែលថា ការដកបម្រាម ដែលហាមមិនឲ្យថ្នាក់ដឹកនាំទីក្រុងណៃពីដោអាចធ្វើដំណើរមកអឺរ៉ុបបាន មិនមែនជាសេចក្តីសម្រេចចិត្តមួយធំដុំទេ បើប្រៀបធៀបទៅនឹងទម្ងន់ទាំងមូលនៃទណ្ឌកម្មសេដ្ឋកិច្ចរបស់អឺរ៉ុបទៅលើភូមា។ ក៏ប៉ុន្តែ កាយវិការបែបនេះមានអត្ថន័យនយោបាយមួយជ្រៅ នោះគឺសហភាពអឺរ៉ុបចង់បង្ហាញថា ខ្លួនពេញចិត្តចំពោះកំណែទម្រង់នយោបាយដែលរបបថ្មីភូមាបាន និងកំពុងបន្តអនុវត្ត។
កាលពីម្សិលមិញនេះ បណ្តាប្រមុខការទូតនៃប្រទេសសមាជិកអឺរ៉ុបបានសន្យាថា ចាប់ពីពេលនេះរហូតទៅដល់ខែមេសា ពួកគេនឹងពិនិត្យមើលម្តងមួយៗឡើងវិញ វិធានការទាំងប៉ុន្មានដែលមាននៅក្នុងកញ្ចប់ទណ្ឌកម្ម។ តាមមើលទៅ សហភាពអឺរ៉ុបអាចនឹងបន្តសម្រាលបណ្តើរៗតទៅមុខទៀត ទណ្ឌកម្មដែលខ្លួនបានដាក់ទៅលើប្រទេសភូមាតាំងពីឆ្នាំ១៩៩៦មកម្ល៉េះ។
សូមជម្រាបថា កន្លងទៅថ្មីៗនេះ ប្រមុខការទូតអង់គ្លេស ងរដ្ឋមន្រ្តីក្រសួងការបរទេសបារាំងបានទៅបំពេញទស្សនកិច្ចនៅភូមា និងបានកត់សម្គាល់ឃើញថា ប្រទេសនេះបាន ងកំពុងបន្តធ្វើកំណែទម្រង់នយោបាយ និងបោះជំហានទៅរកលទ្ធិប្រជាធិបតេយ្យ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ