Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ សុក្រ 03 កុម្ភៈ 2012 -
ព័ត៌មានទើបកែប្រើលើកចុងក្រោយ ថ្ងៃ សៅរ៍ 04 កុម្ភៈ 2012
អតីតប្រធានគុកទួលស្លែងជាប់គុកមួយជីវិត
អតីតប្រធានគុគទួលស្ថែងក្នុងសម័យខ្មែរក្រហមឈ្មោះ កាំង ហ្គេចអ៊ាវហៅឌុច ត្រូវបានតុលាការកំពូលនៃសាលាក្តីខ្មែរក្រហមសម្រេចឲ្យជាប់ពន្ធនាគារអស់មួយជីវិត
REUTERS/Nhet Sokheng/
តុលាការកំពូលនៃសាលាក្តីខ្មែរក្រហមបានសម្រេចដាក់ទោសអតីតប្រធានគុកទួលស្លែងក្នុងសម័យខ្មែរក្រហមឈ្មោះកាំង ហ្គេចអ៊ាវ ហៅឌុច អោយជាប់ពន្ធនាគារអស់មួយជីវិត។ នេះគឺជាសាលដីកាស្ថាពរបិទផ្លូវតវ៉ាក្នុងសំណុំរឿង០០១នេះ។ ក្នុងពេលប្រកាសសាលដីកាប្រឆាំង លោក កាំង ហ្កេកអ៊ាវ ហៅ ឌុច នៅព្រឹកមិញ ចៅក្រមមិនអនុញ្ញាតឲ្យ ឌុច និយាយស្តីអ្វីទាំងអស់។ ក៏ប៉ុន្តែអតីតមេគុកទួលស្លែងអាយុ ៧០ឆ្នាំ កាំង ហ្កេកអ៊ាវ បានតាមដានស្តាប់ដោយយកចិត្តទុកដាក់ ចំពោះសាលដីកាផ្តន្ទាទោសរូបលោក។
សាលដីកា ចុងក្រោយផ្តន្ទាទោស កាំង ហ្កេកអ៊ាវ ហៅ ឌុច ដាក់ពន្ធនាគារមួយជីវិត ត្រូវបានប្រកាសដោយលោកចៅក្រម គង់ ស្រ៊ីម ប្រធានអង្គជំនុំជម្រះតុលាការកំពូល ដែលមានចៅក្រម ៧ រូបគឺ ចៅក្រមជាតិ ៤ រូប និងចៅក្រមអន្តរជាតិ ៣ រូប។ សាលដីកាផ្តន្ទាទោស ដាក់ពន្ធនាគារ ឌុច មួយជីវិត ចៅក្រមបានប្រើពេលអានដល់ទៅ ១ ម៉ោង និង ៣០ នាទី កាលពីព្រឹកថ្ងៃទី៣ ខែកុម្ភៈ ឆ្នាំ២០១២។
ក្នុងពេលចៅក្រមអានសាលដីកា លោក កាំង ហ្កេកអ៊ាវ ហៅ ឌុច ត្រូវបាននាំខ្លួន ចូលក្នុងរង្វង់ក្រចកសេះ ដោយមិនមានដាក់ខ្នោះដៃទេ។
|
មានអាយុ ៧០ ឆ្នាំ នៅឆ្នាំនេះ ឌុច មានទឹកមុខមាំ តែរាងស្គមជាងមុន និងស្រងូតស្រងាត់។ ក្នុងពេលលោកចៅក្រម គង់ ស្រ៊ីម ប្រកាសសេចក្តីសម្រេចចុងក្រោយ ឌុចត្រូវចៅក្រមតម្រូវឲ្យក្រោមឈរ ក្នុងរង្វង់ក្រចកសេះ។ ប៉ុន្តែតុលាការមិនអនុញ្ញាត ឌុច ថ្លែងការណ៍អ្វីមួយម៉ាត់ឡើយ។
ឌុច ឈរត្រង់ខ្លួន ស្តាប់តុលាការដោយយកចិត្តទុកដាក់ ដោយខាំមាត់ សំឡឹងចៅក្រមមិនដាក់ភ្នែក។ នៅពេលចៅក្រមអានចប់សេចក្តីសង្ខេបនៃសាលដីកា រួមជាមួយផ្នែកសម្រេចសេចក្តីពេញលេញនិងស្ថាពរ ចៅក្រមបានបង្គាប់ឲ្យឆ្មាំពន្ធនាគារនាំខ្លួនឌុចទៅកាន់ពន្ធនាគារ។
ឌុច បានលើកដៃសំពះ ជម្រាបលាចៅក្រម ដោយទឹកមុខមាំ មុននឹងចាប់យកសៀវភៅកត់ត្រារបស់គាត់ កាន់ដើរចេញពីរង្វង់ក្រចកសេះ អមដោយបុរសឆ្មាំពន្ធនាគារពីរនាក់។ ឌុច មិនងាកមើលក្រោយ ឬសំឡឹងទៅកាន់ជនរងគ្រោះបន្តិចសោះឡើយ៕
|
|
|
លោក សុខ អាន៖ “សាលដីកានេះនឹងអាចជួយបន្ថយការឈឺចាប់របស់ជនរងគ្រោះ” |
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
ចង់បានឯករាជ្យពិតប្រាកដ
បដិវដ្តន៍នីមួយៗគឺដើម្បីតែសង្រ្គោះជាតិ តែដល់ពេលបរាជ័យអ្វីៗត្រូវបានផ្លាស់ប្តូរទៅជាក្បត់ជាតិទៅវិញ រឿងអតីតកាលកន្លងហួសទៅហើយ បើចង់អោយខ្មែរកាន់តែមានយុត្តិធម៍ សូមសំលឹងមើលព្រឹត្តិការណ៍បច្ចុប្បន្នផង ប្រជាពលរដ្ឋខ្មែរនៅតែលំបាក ការគាបសង្កត់ពលរដ្ឋនៅតែមាន យួនបានមករស់នៅពេញដីខ្មែរ កាន់គ្រប់ស្ថាប័នការងារ ការបោះឆ្នោតពិតណាស់មើលទៅដូចជាយុត្តិធម៏ ប៉ុន្តែការពិតសុទ្ឋតែយួនមកបន្លំបោះឆ្នោតគាំទ្រគណបក្សប្រជាជន បើដូច្នេះខ្មែរនៅតែក្រ នៅតែលំបាក គ្មានវាសនាបានផ្លាស់ប្តូរការដឹកនាំ និងធ្វើអោយជាតិមានវាសនាល្អឡើយ ដូច្នេះសូមអន្តរជាតិជួយ ដោះស្រាយបញ្ហានេះផង បើចង់អោយខ្មែរមានយុត្តិធម៍ សូមកុំអោយខ្មែរនៅក្រោមអាណានិគមយួនទៀត ហើយយួនក៏គួរតែបញ្ចប់ការឈ្លានពានខ្មែរតទៅទៀតទៅ។ ខ្មែរចង់បានឯករាជ្យពិតប្រាកដ៕
ប្រតិកម្មជុំវិញអត្ថបទនេះ