យល់ដឹងអំពីជំងឺរលាកសន្លាក់

នាទីសុខភាពនិងអនាម័យ

ពុធ 18 មករា 2012

យល់ដឹងអំពីជំងឺរលាកសន្លាក់

ស្តាប់ (09:58)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដៃហើមព្រោះមានរោគរលាកសន្លាក់

ដោយ អៀង សុខម៉ិញ

ខុសពីការគិតរបស់មនុស្សភាគច្រើនដែលយល់ថាជំងឺរលាកសន្លាក់មានកើតតិចតួចនៅក្នុងប្រទេសក្តៅ ជាក់ស្តែងនៅប្រទេសកម្ពុជា តាមការពិតដោយសារកត្តាសង្គម ភាពជឿនលឿន និងការប្តូរផ្លាស់របៀបរបបរស់នៅ និងការហូបចុក កម្ពុជាបានស្គាល់ជំងឺរលាកសន្លាក់កាន់តែច្រើនឡើងៗ ដូចជាករណីកើតជំងឺទឹកនោមផ្អែម ជំងឺធាត់ជ្រុល ឬជំងឺខ្លាញ់ក្នុងឈាមដែរ។ ជំងឺនេះច្រើនកើតឡើងចំពោះស្ត្រី ពិបាកធ្វើការព្យាបាល ពេលខ្លះការព្យាបាលត្រូវប្រើពេលអស់មួយជីវិតផង និងបង្កឲ្យមានការឈឺចុកចាប់យ៉ាងខ្លាំង ទៅតាមប្រភេទផ្សេងនៃការរលាក។

នាឱកាសនេះនាងខ្ញុំបានជួបសម្ភាសន៍ជាមួយលោកវេជ្ជបណ្ឌិត លី ជាតា គ្រូពេទ្យឯកទេសជំងឺទូទៅ នៅមន្ទីរពេទ្យមិត្តភាពកម្ពុជាសូវៀត និងធ្លាប់បានមកទទួលការសិក្សាយកឯកទេសបន្ថែមផ្នែកសន្លាក់ នៅប្រទេសបារាំងអំឡុងឆ្នាំ២០០០ -២០០១។