Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ សុក្រ 27 កក្កដា 2012 -
ព័ត៌មានទើបកែប្រើលើកចុងក្រោយ ថ្ងៃ សុក្រ 27 កក្កដា 2012
មេធាវីគណបក្សប្រឆាំងឡើងបំភ្លឺនៅតុលាការអំពីបណ្តឹងក្លែងបន្លំឯកសារសាធារណៈ
មេធាវីគណបក្សប្រឆាំងលោក ជូង ជូងី
© RFI
បន្ទាប់ពីដាក់ពាក្យបណ្តឹងអស់រយៈពេលជាច្រើនខែកន្លងមក មេធាវីគណបក្សប្រឆាំងលោក ជូងជូងីដែលត្រូវបានគណៈមេធាវីចោទប្រកាន់ថា បានរំលោភលើមាត្រា១៥ នៃក្រមសីលធម៌មេធាវី- ត្រូវបានសាលាដំបូងខេត្តកណ្តាល បង្គាប់ឲ្យចូលបំភ្លឺ ទាក់ទងទៅនឹងបណ្តឹងរបស់លោក- ដែលបានប្តឹងប្រឆាំងចៅក្រមសាលាដំបូងខេត្តកណ្តាលពីបទក្លែងបន្លំឯកសារសាធារណៈ។
មេធាវីគណបក្សប្រឆាំងលោក ជូង ជូងី ដែលត្រូវបានគណៈមេធាវីចោទប្រកាន់ថា បានរំលោភលើមាត្រា១៥នៃក្រមសីលធម៌មេធាវី បានចូលឆ្លើយបំភ្លឺនៅសាលាដំបូងខេត្តកណ្តាលហើយនៅថ្ងៃនេះ ទាក់ទងទៅនឹងបណ្តឹងរបស់លោកដែលបានប្តឹងប្រឆាំងចៅក្រមសាលាដំបូងខេត្តកណ្តាលពីបទក្លែងបន្លំឯកសារសាធារណៈ។
នៅក្នុងពាក្យបណ្តឹងរបស់លោកជូង ជូងី កាលពីថ្ងៃទី១៣ ខែកម្ភៈ ឆ្នាំ ២០១២ លោកបានប្តឹងលោកលឺម សុគន្ថា ចៅក្រមសាលាដំបូងខេត្តកណ្តាលពីបទកែ្លងបន្លំឯកសារសាធារណៈ ប្រព្រឹត្តនៅសាលាដំបូងខេត្តកណ្តាល កាលពីថ្ងៃទី២៣ ខែកញ្ញា ឆ្នាំ២០១១ ទាក់ទងនៅនឹងកូនក្តីរបស់លោកគឺលោកមាស ប៉េង ជំទប់ទី២ ឃុំបន្ទាយដែក ស្រុកកៀនស្វាយ ខេត្តកណ្ដាល។
លោកជូង ជូងី បានថ្លែងឲ្យដឹងថា មូលហេតុដែលលោកប្តឹងចៅក្រមរូបនោះដោយសារតែវាទាក់ទិនទៅ នឹងកូនក្តីរបស់លោកត្រូវបានចៅក្រមសាកសួរលោកលឺម សុគន្ថា បង្គាប់ឲ្យចូលខ្លួនមកបំភ្លឺនៅសាលាដំបូងខេត្តកណ្តាល ហើយក្រោយពីការសាកសួរហើយគាត់ត្រូវបានបញ្ជូនទៅឃុំខ្លួនពន្ធនារគារខេត្តកណ្តាលដោយពុំមានដីការសម្រេចឲ្យឃុំខ្លួន។ ហើយនៅពេលដែលលោកបាននាំកូនក្តីពីពន្ធនាគារមកផ្ទះវិញសាលាដំបូងខេត្តកណ្តាលបានចោទប្រកាន់ពីបទផ្តល់មធ្យោបាយជួយកូនក្តីឲ្យរត់គេចខ្លួនពីពន្ធនាគារ។
លោកមេធាវីរូបនោះបានអះអាងថា សំណុំរឿងចោទប្រកាន់កូនក្តីលោកចុះថ្ងៃទី២០ ខែឧសភា ឆ្នាំ ២០១១ ប៉ុន្តែនៅក្នុងដីការសម្រេចឃុំខ្លួនបណ្ណោះអាសន្នលោកលឺម សុគន្ថាបានក្លែងបន្លំដាក់ចុះថ្ងៃទី២០ ខែឧសភា ២០១០ ទីវិញ។ លោកចៅក្រមរូបនោះបានរៀបចំធ្វើដីកាសម្រេចឃុំខ្លួនបណ្តោះអាសន្នគឺក្លែងបន្លំ បំភ្លៃ បំភាន់ការពិតដាក់ចូលសំណុំរឿង។
ទាក់ទិនទៅនឹងពាក្យបណ្តឹងនេះលោកចៅក្រមលឹម សុគន្ថា បានថ្លែងអះអាងថា នេះគឺជាសិទ្ធិរបស់លោកមេធាវីរូបនោះគាត់អាចធ្វើតាមចិត្តដែលគាត់មិនពេញចិត្ត តែអ្វីដែលលោកបានធ្វើគឺតាមនិតិវិធីនៃច្បាប់។ លោកចៅក្រមរូបនោះបានអះអាងថា ប្រសិនជាលោកមេធាវីរូបនោះប្តឹងគឺត្រូវតែរកភស្តុតាងយកមកបញ្ជាក់ផង។ លោកជូង ជូងី នៅក្នុងខែមករា ឆ្នាំ២០១២ ក្រុមប្រឹក្សាគណៈមេធាវីកម្ពុជា បានសម្រេចដាក់ការចោទប្រកាន់ថាបានប្រព្រឹត្តខុសនឹងមាត្រា១៥ នៃលក្ខន្តិកៈគណៈមេធាវីកម្ពុជា។ កំហុសរបស់លោកគឺធ្វើសន្និសីទកាសែត នៅទីស្នាក់ការកណ្តាល គណបក្សសម រង្ស៊ី កាលពីថ្ងៃទី៣០ធ្នូ។
កាលពីខែកម្ភៈ ដើម្បីទាមទារយុត្តិធម៌លោក ជូង ជូងី បានកោរសក់ស្លៀកពាក់ស និងអង្គុយសម្មាធិ ពីរសប្តាហ៍នៅទីស្នាក់ការកណ្តាលគណបក្សសម រង្ស៊ី តុលាការខេត្តកណ្តាល ក្រសួងយុតិ្តធម៌ សាលាឧទ្ធរណ៍ តុលាការកំពូល និងការិយាល័យគណៈមេធាវីនៃព្រះរាជាណាចក្រកម្ពុជា៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ