បារាំង-ឧស្សាហកម្ម -

អត្ថបទចុះផ្សាយនៅថ្ងៃ ពុធ 25 កក្កដា 2012 - ព័ត៌មានទើបកែប្រើលើកចុងក្រោយ ថ្ងៃ ពុធ 25 កក្កដា 2012

លោករដ្ឋមន្ត្រី Arnaud Montebourg ចេញបង្ហាញផែនការជួយជំរុញគាំទ្រឧស្សាហកម្មបារាំង

លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផលឬក្រសួងឧស្សាហកម្ម

REUTERS/Charles Platiau

ដោយ សៀក សារិន

នៅថ្ងៃពុធទី២៥កក្កដាឆ្នាំ២០១២នេះ គេច្បាស់ជានឹងដឹងពីផែនការជួយជំរុញគាំទ្រឧស្សាហកម្មផលិតរថយន្តបារាំង។ លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផលឬក្រសួងឧស្សាហកម្មត្រូវចេញបង្ហាញឲ្យឃើញនួវផែនការរបស់រដ្ឋាភិបាលបារាំងនៅថ្ងៃនេះ។

សេចក្តីរាយការណ៍របស់សៀក សារិន

ស្តាប់ (02:09)

25/07/2012 by សៀក សារិន

ផែនការជួយគាំទ្រឧស្សាហកម្មផលិតរថយន្តបារាំងរបស់ លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផលឬក្រសួងឧស្សាហកម្ម ធ្លាក់ចំពេលដែលសង្គ្រាមប៉ាកាបានកើតមានជុំវិញការរិះរកដំណោះស្រាយឲ្យបញ្ហាការងារនិងឧស្សាហកម្មក្នុងវិស័យផលិតរថយន្តបារាំងដោយ លោក Arnaud Montebourg។ គណបក្សប្រឆាំងបារាំងបានធ្វើការទិតៀនយ៉ាងខ្លាំងក្លាទៅលើ លោករដ្ឋមន្ត្រី Arnaud Montebourg។ ដូច្នេះ ផែនការជួយគាំទ្រឧស្សាហកម្មផលិតរថយន្តបារាំងរបស់ លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផល គឺពិតជាតែស្តឹ៍ដ៏ជាក់ស្តែងលើកទីមួយបង្ហាញឲ្យឃើញពីសមត្ថភាពរបស់ លោក Arnaud Montebourg។

បញ្ហាជាច្រើននៅរង់ចាំការដោះស្រាយពីសំណាក់ លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផលឬក្រសួងឧស្សាហកម្ម មានដូចជា៖
-ការរៀបចំរចនាសម្ព័ន្ធនៃឧស្សាហកម្មផលិតរថយន្តបារាំង PSA ឡើងវិញ។
-ពិនិត្យមើលពីមូលហេតុនៃការធ្លាក់ស្រុតចុះនៃការលក់រថយន្តបារាំង។
-ការធ្លាក់ស្រុតចុះនៃការនាំចេញ.....។ល។.....
ដូច្នេះ ទាំងនេះគឺពិតជាបញ្ហាដ៏ធំធេងដែលត្រូវរិះរកដំណោះស្រាយ។

បើយោងតាមអ្នកតំណាងរាស្ត្រម្នាក់នៃបក្សប្រឆាំង UMP លោក Jacques Myard ស្ថានភាពពិតនៃទីផ្សាររថយន្តគឺពិតជាបង្កើតការលំបាកយ៉ាងច្រើនដល់លោក Arnaud Montebourg រដ្ឋមន្ត្រីក្រសួងជួយលើកដម្កើងផលិតផលឬក្រសួងឧស្សាហកម្ម ដោយហេតុថា “ប្រទេសបារាំងបានអនុញ្ញាតឲ្យផលិតផលមកពីប្រទេសកូរ៉េខាងត្បូងឬប្រទេសចិនដែលមានតម្លៃថោកចូលប្រកួតប្រជែងជាមួយផលិតផលបារាំង ដែលមានតម្លៃខ្ពស់។ លោក Arnaud Montebourg យល់ដឹងច្បាស់ណាស់ពីបញ្ហានេះ។ ប៉ុន្តែលោកគ្មានអំណាច គ្មានលទ្ធភាពនឹងធ្វើការប្រយុទ្ធប្រឆាំងទល់នឹងប្រព័ន្ធទាំងនោះឡើយ”។

រីឯអ្នកតំណាងរាស្ត្រមកពីគណបក្សកុម្មុយនិស្តបារាំង លោកស្រី Marie-Georges Buffet យល់ថា “យុទ្ធសាស្ត្រនៃការលុបចេញនូវជំនួយសម្រាប់ទិញរថយន្តថ្មី ការបោះទុនបង្កើនផលិតរថយន្ត “ស្អាតពុំបញ្ចេញផ្សែងពិសពុល” ការលើកតម្កើងផលិតផល Made in France គឺពិតជាពុំគ្រប់គ្រាន់ឡើយ។ ប៉ុន្តែ វាជាជំហានទីមួយដ៏ប្រពៃ”។

គួរបញ្ជាក់ថា ជាមួយនឹងការលក់ចេញនូវរថយន្តថ្មីប្រមាណ២លានគ្រឿងនៅឆ្នាំ២០១១ វិស័យឧស្សាហកម្មផលិតរថយន្តបារាំងតំណាងប្រមាណ៣%នៃផលិតផលសរុបក្នុងប្រទេស៕